Përgatiti për www.shendeti.com.al: Elena Beta
Gratë që vuajnë nga migrena janë më tepër të prirura për t’u prekur nga sëmundjet e zemrës dhe goditjet në tru, krahasuar me femrat që nuk vuajnë nga kjo sëmunkde. Këtë e konfirmon një studim i publikuar në 31 maj 2016 në universitetin e Harvardit.
Në studim morrën pjesë 115.000 gra të moshës 25 deri 42 vjeç për më shumë se dy dekada. Rreth 15% e grave thanë se vuanin nga migrena në fillim të studimit. Në krahasim me gratë që nuk vuanin nga kjo sëmundje, ato kishin rreth 40% më shumë mundësi të prekeshin nga problemet e zemrës dhe 60 % më shuam mundësi të pësonin goditje në tru gjatë periudhës së studimit.
Hulumtuesit llogariten moshën, presionin e lartë të gjakut, përdorimin e hormoneve, si dhe faktorë të tjerë që mund të deformojnë rezultatet.
Edhe studimet e mëhershme kanë hedhur dritë mbi rezultatet e nxjerra prej hulumtuesve së fundmi, por ekspertët nuk kanë zbuluar ndonjë mekanizëm të qartë për të shpjeguar lidhjen mes migrenës dhe sëmundjeve kardiovaskulare. Fakti nëse dhe strategjitë për parandalimin e migrenës mund të ulin rrezikun e sulmeve në zemër ose në tru është ende i panjohur.
Burimi: health.harvard.edu / shendeti.com.al
