Përshtati në shqip për Shendeti Online dhe gazeta Shëndet+
Një i ri nga Bangladeshi, të cilit i është vendosur nofka “njeriu pemë”, për shkak të lythave në formën e degëve të pemës në duar dhe këmbë, i është nënshtruar një trajtimi që mjekët shpresojnë se mund ta ketë shëruar nga kjo sëmundje e rrallë. Abul Bajandar i është nënshtruar gati 16 operacioneve për të hequr këto lytha në duar dhe këmbë, që mund t’i kishin marrë edhe jetën.
27-vjeçari është një nga 4 njerëzit në botë të diagnostikuar me sëmundjen e quajtur ‘epidermodysplasia verruciformis’, një gjendje gjenetike shumë e rrallë, e quajtur “sëmundja e njeriut pemë” që e ka lënë atë të paaftë edhe për të mbajtur vajzën e tij 3-vjeçare.
“Kurimi i Bajandar ishte një arritje e madhe në historinë e shkencës mjekësore”, tha Samanta Lal Sen, mjeke e kirurgjisë plastike në spitalin “Dhaka Medical”. “Ne e operuam atë 16 herë për t’i hequr lythat. Duart e këmbët tani janë shumë mirë. Ai do të shtrohet sërish në spital brenda 30 ditëve për të kryer disa operacione të vogla, për të përsosur formën e duarve të tij”, tregon Sen.
Mjekja beson se Bajandar mund të bëhet personi i parë që do të kurohet nga kjo sëmundje dhe që lythat të mos i kthehen më në trup.
Vetëm vitin e kaluar një burrë nga Indonezia vdiq nga kjo gjendje gjenetike e rrallë.
Burimi: Daily Mail / https://shendeti.com.al/
