Organizata humanitare “Mjekët pa Kufij” ka kritikuar disa shtete të Bashkimit Evropian se po vënë në rrezik jetën e refugjatëve duke i penguar që të kalojnë kufijtë.
Sipas tyre, mbyllja e kufijve dhe rregullat e ashpra vetëm sa i inkurajojnë njerëzit të kërkojnë për mënyra të tjera të rrezikshme për të hyrë në Evropë.
Kryetari i organizatës “Mjekët pa Kufij”, Brice de le Vingne, u shpreh se “reagimet e ashpra ndaj nevojave humanitare të refugjatëve ka përkeqësuar gjendjen e mijëra burrave, grave dhe fëmijëve.”
Organizata kërkoi nga Bashkimi Evropian që të krijojnë mënyra më ligjore për të lejuar refugjatët të vijnë në Evropë.
Përshtati për Shëndet+: Blertina Koka/ Burimi: Yahoo News
