Aktualisht deficienca e jodit konsiderohet si shkaku kryesor i dëmtimeve të parandalueshme të trurit në nivel botëror. Ky është motivimi bazë pse sot gjithë bota lufton për eliminimin e Çrregullimeve nga Defiçenca jodike (IDD-ja).
Defiçenca jodike ndodh kur marrjet e jodit bien poshtë niveleve të nevojshme, duke bërë që tiroidja të mos jetë në gjendje të sintetizojnë sasi të mjaftueshme të hormone-ve tiroidale.
Niveli i ulët i hormoneve të tiroides në gjak në këtë rast bëhet faktori kryesor përgjegjës për dëmtimin e zhvillimit të trurit dhe efekteve të tjera të dëmshme të njohura së bashku si “Çrregullimet nga Defiçenca Jodike”.
Faktori kryesor përgjegjës për defiçencën jodike është marrja e ulët e jodit nga dieta. Kjo ndodh në popullatat që jetojnë në ato zona ku toka ka një përmbajtje të ulët të jodit, si pasojë e shkrirjes së akullnajave ose efekteve të përsëritura të tretjes së borës, largimit te ujërave dhe reshjeve të mëdha.
