Ka ndërruar jetë në moshën 52-vjeçare vokalisti i grupeve të hard rokut Soundgarden dhe Audioslave, Chris Cornell.
Në një deklaratë të dhënë për Associated Press, zëdhënësi i tij, Brian Bumbery, ka njoftuar se Cornell ka ndërruar jetë mbrëmjen e të mërkurës në Detroit.
“Një vdekje e befasishme dhe e papritur” e ka quajtur Bumbery, ku rrëfen se bashkëshortja dhe familjarët e tij kanë mbetur të shokuar. Në deklaratë thuhet se do të bëhen ekzaminimet mjekësore për të përcaktuar shkakun dhe deri atëherë kërkojnë që të mos shqetësohen nga mediat.
Ditët e fundit Cornell ka qenë në një tur me bandën Soundgarden dhe vetëm pak orë para vdekjes ka shkruar në Twitter #Detroit, më në fund u riktheva në qytetin e rokut.
Burimi: The Guardian / Shendeti.com.al
