Ky pyetësor zhvillohet nga Together for Life (TFL), me mbështetjen e Autoritetit të Medias Audiovizive, në kuadër të projektit mbi “Presionin publik dhe ndikimin e dezinformimit në mjekësi”. Qëllimi i këtij raporti është të analizojë ndikimin që dezinformimi ka në vendimmarrjen mjekësore, në besimin e pacientëve ndaj profesionistëve të shëndetësisë, si dhe në përhapjen e praktikave jo të sigurta, me fokus të veçantë në ndikimin mbi mbulimin vaksinal dhe rreziqet për shëndetin publik.
Raporti do të mbështetet në të dhënat e mbledhura përmes këtij pyetësori online, i cili do të realizohet me profesionistë të shëndetësisë, pacientë, nëna të reja dhe familjarë të tjerë. Për qëllimet e këtij pyetësori, me “dezinformim” kuptojmë informacion që bie ndesh me udhëzimet dhe protokollet zyrtare të vaksinimit, evidencat shkencore dhe rekomandimet e autoriteteve kompetente shëndetësore.
Pjesëmarrja juaj është vullnetare dhe përgjigjet do të trajtohen në mënyrë konfidenciale dhe do të përdoren vetëm për qëllime studimore dhe analitike.
