Sipas studimeve të bëra kohëve të fukdit, ekziston një listë ushqimesh që duhet të konsumohen shumë rrallë, madje nëse është e mundur duhet të kufizohet konsumimi i tyre në minimum ose fare.
Ushqimet e ngrira: thuajse të gjitha ushqimet pasi futen në proçesin e ngrirjes dhe më pas të shkrirjes i humbasin të gjitha vlerat ushqyese. Për këtë arsye, mundohuni t’i shmangni këto ushqime dhe t’i zëvëndësoni ato me ushqime sa më të freskëta.
Buka e bardhë: mielli i rafinuar i bukës së bardhë është i zhveshur nga vlerat ushqyese dhe kjo bën që buka e bardhë të tretet me vështirësi nga organizmi.
Orizi i bardhë: ndryshe quhet oriz i përpunuar dhe për pasojë nuk ka vlerat e nevojshme ushqyese.
Ushqimet e futura në mikrovalë: këto ushqime përveçse i humbasin vlerat ushqyese, ato marrin edhe rreze nga mikrovala dhe mund të rezultojnë të dëmshme për shëndetin.
Mishi i përpunuar: proshurta, salcicet dhe çdo lloj mishi i përpunuar përmbajnë nitrat natriumi dhe elemente të tjera kimike. Këto elementë rezultojnë të rrezikshme për sëmundjet e zemrës dhe kancer.
Suplementet e energjisë: përmbajnë sasi të lartë sheqernash, yndyrna të hidrogjenizuara dhe proteina soje, të cilat duhet të shmangen. Ato nuk kanë asnjëherë të njëjtat vlera ushqyese me ushqimet e freskëta dhe natyrale.
Margarina: një keqkuptim i zakonshëm është se gjalpi dhe yndyrnat e ngopura janë të këqija, në fakt nuk është e vërtetë. Rreziku i vërtetë vjen nga yndyrnat e hidrogjenizuara si margarina, të cilën duhet të mundoheni ta shmangni.
Ushqimet 0: janë quajtur të gjitha ushqimet që nuk kanë asnjë vlerë ushqyese, përkundrazi janë shumë të dëmshme. Karamelet, ëmbëlsirat e paketuara, pijet e gazuara etj përmbajnë lëndë kimike amorizuese, sheqerna dhe yndyrna të cilat ndikojnë në rritjen e nivelit të kolesterolit të keq dhe ndikojnë në shfaqjen e kancerit.
Përshtati në shqip për “Shëndet+”: Daniela Bardhi/ Burimi: healthdigezt
