Përshtati në shqip për “Shendeti.com.al”: Blertina Koka
Një studente britanike, e cila kishte përfunduar në koma pas një aksidenti të rëndë, shpëtoi mrekullisht pasi lëvizi gishtat e këmbëve pak momente para se mjekët t’i fiknin aparaturën që e mbante në jetë.
22-vjeçarja Sam Hemming, e diplomuar për drejtësi, kishte pësuar dëmtime të rënda në kokë pasi makina me të cilën udhëtonte kishte dalë jashtë rrugës.
Ajo ishte dërguar menjëherë në spital, ku iu nënshtrua një operacioni rraskapitës prej 6 orësh. Pas operacionit ajo kaloi në gjendje kome.
Rreth 19 ditë pas aksidentit, mjekët u kërkuan leje prindërve të fiknin aparaturën që e mbante në jetë, pasi vajza kishte kaluar në vdekje klinike dhe nuk kishte shpresa për t’u shëruar. Nëna e Sam shkrepi kët foto të vajzës në shtratin e vdekjes, ndërkohë që po përgatitej t’i jepte lamtumirën e fundit.
Por, për fat të mirë, pak minuta para se mjekët t’i fiknin aparaturën që e mbante në jetë, Sam lëvizi gishtin e madh të këmbës. Disa ditë pas kësaj mrekullie, mjekët e fikën aparaturën duke qenë se vajza filloi të merrte frymë vetë.
8 javë më vonë gjendja e saj u përmirësua ndjeshëm dhe tani është rikthyer në shtëpi për të vijuar rikuperimin atje. Ajo tashmë ka rifilluar të ecë, por me ndihmën e një paterice.
Burimi: Sun / https://shendeti.com.al/
