Të shëtisësh fëmijën me karrocë mund të jetë një nga ndjenjat më të bukura, por për prindërit paraplegjikë është diçka e vështirë, madje e pamundur.
Alden Kane, një student 16-vjeçar në gjimnazin e Detroidit, SHBA, ka zbuluar një mënyrë më të lehtë që prindërit paraplegjikë të mund të shtyjnë karrocat e fëmijëve të tyre. Nëpërmjet një tubi të lehtë çeliku nënat mund t’i mbajnë karrocat e fëmijëve ngjitur me karrocën e tyre.
Prioriteti i kësaj shpikjeje është siguria e fëmijës.
Sharina Xhones, një nënë paraplegjike nga Miçigani, shprehet se është mirënjohëse ndaj 16-vjeçarit, edhe pse ende nuk dihet nëse kjo pajisje do dalë në treg.
Duke ndjekur shembullin e Aldenit, edhe gjimnazistë të tjerë kanë provuar të tilla mënyra për t’u ardhur në ndihmë prindërve dhe gjyshërve me probleme fizike, verbëri apo vështirësi në ecje ./Përgatiti për “Shëndet+”: Elena Beta
