Përshtati në shqip për Shëndeti Online dhe gazeta Shëndet+: Blertina Koka
Edhe pse së shpejti mbush 90 vjeç dhe mban mbi kurriz më shumë se 10 mijë operacione, nuk e ka në plan të dalë në pension. Alla Ilyinichna Levushkina është kirurgia ruse më e vjetër në botë, e cila ka punuar me bisturi në dorë për 68 vite dhe akoma vazhdon të asistojë në operacione në një spital afër Moskës.
89-vjeçarja është vetëm 150 cm e gjatë, dhe i është dashur të ngjisë një shkallë për të arritur pacientët.
Ajo ka punuar në shërbimet ajrore mjekësore për 30 vite, ku trajtonte pacientët që jetonin në zonat e thella të Rusisë.
“Të qenët mjek nuk është një profesion, por një mënyrë jetese”, u shpreh ajo gjatë një interviste të dhënë për një radio ruse, ku u pyet përse nuk ka dalë akoma në pension.
“Nëse ndaloj së punuari, kush do t’i kryejë operacionet?”
Një paciente tregon për radion Lite FM: “Në fillim nuk kisha besim tek një kirurge kaq e vjetër, por, pasi më shkundi me duart e saj të forta, më ikën të gjitha dyshimet”.
Alla e konsideron veten si një “kalë garues”, pasi mbushet me energji sapo hyn në dhomën e operacionit”.
Ajo do të mbushë 90 vjeç më 5 maj.
Burimi: Daily Mail / https://shendeti.com.al/
