Përgatiti për gazetën “Shëndet+”: Elena Beta
Sipas një studimi të shkollës mjekësore të Harvardit, duke ngrënë shumë perime të freskëta, mund të keni përmirësime në dietën dhe shëndetin tuaj. Këtu janë disa perime shumë të mira të cilat shërbejnë për të rritur sistemin tuaj imunitar dhe të rrisin shijen e ushqimeve:
Shparg: ka shumë folate, fibër dietik, dhe hekur. Ky perim përmban selen, i cili zvogëlon rrezikun e sëmundjeve të fshikëzës, zorrës së trashë, gjirit, rektumit, prostatës, dhe kancerit të mushkërive. 242 g shparg, ofron 74% të vitaminës C dhe 25% të hekurit.
Për të shmangur humbjen e shijes dhe elementëve ushqyes të shpargut, nuk duhet ta gatuani atë. Piqeni vetëm 10 deri në 15 minuta në furrë në 400 F (204 C).
Spinaqi: është i ulët në yndyrë dhe kolesterol, ndërsa është shumë i pasur me zink. Ai është i njohur për nxitjen e sistemit imunitar dhe për përshpejtimin e proceseve shëruese në trupin tuaj. Spinaqi është gjithashtu një burim i mirë i proteinave, fibër dietik, folate, hekur, magnez. Në vetëm 30 g, merrni 56% të vitaminës A dhe 14% të vitaminës C.
Ju mund të përdorni spinaq në sallatë, duke e zier në avull për disa minuta. Është e rëndësishme që para se ta përdorni atë në ushqim ta pastroni mirë.
Panxhari: përmban një sasi të konsiderueshme të kaliumit, folate dhe vitamina C të cilat kanë shumë pak kalori (rreth 50 për filxhan).
Panxharin mund ta piqni në furrë për të ruajtur ëmbëlsinë natyrore të panxharit. Ju mund ta përdorni atë në sallatë me disa karrota, rrush dhe salcë të ëmbël ose shtojeni atë në supë.
Burimi: organiclifestylemagazine/http://shëndeti.com.al
