Përshtati në shqip për “Shendeti.com.al“: Blertina Koka
Nusja 25-vjeçare, e cila kishte pësuar një dëmtim në shtyllën kurrizore pasi u hodh në pishinë, ia arriti qëllimit të ecë dhe kërcejë me këmbët e veta në ditën e dasmës.
Gjeorgjiania Jaquie Goncher u paralizua në qafë në moshën 17-vjeçare, pasi u hodh keq në pishinën e një mikeshe. Mjekët në atë kohë nuk i dhanë asnjë shpresë se do të rifitonte ecjen, megjithatë ajo ishte e vendosur t’ju dëshmonte të kundërtën.
Goncher bashkëpunoi me një fizioterapist dhe bënte çdo ditë ushtrime fizioterapie, derisa fitoi mundësinë për të qëndruar në këmbë, edhe pse për një kohë të shkurtër. Kur u fejua me bashkëshortin e saj aktual, Andy Goncher, në gusht të vitit 2015, ajo i vuri synim vetes që të ecë drejt altarit dhe të kërcejë me këmbët e veta në ditën e dasmës.
“Për shkak të tensionit të gjakut, nuk mund të qëndroja më shumë se 30 minuta në këmbë”, tregon Goncher për ABC News. “E dija që mund të ecja drejt alatrit me ndihmën e të tjerëve, por doja që këtë ta bëja vetë dhe të kërceja pa karrigen me rrota”.
Goncher ia arriti qëllimit, ajo eci drejt altarit, qëndroi në këmbë gjatë ceremonisë dhe kërceu me bashkëshortin.
Burimi: ABC News / https://shendeti.com.al/
