Për gazetën “Shëndet+”, Zerina Sheme, pediatre
Epidemia më e re që ka pushtuar planetin është obeziteti tek fëmijët. Ky problem ndikohet nga këta faktorë: kushtet e jetesës, mënyra e ushqyerjes dhe trashëgimia.
Sipas Organizatës Botërore të Shëndetit , 17% e fëmijëve të moshës 2-18 vjeç janë mbipeshë. Kur shtesa e peshës kalon vlerën 30% kjo quhet sëmundje e obezitetit. Vlen për t’u theksuar se këta fëmijë janë një kontigjent i rrezikshëm për t’u bërë të sëmure kronikë në të ardhmen.
Sëmundjet që shkaktohen nga obeziteti janë: sëmundjet e zemrës, tensioni i lartë i gjakut, skleroza, diabeti, kanceret e ndryshme, sëmundjet e aparatit tretës.
Këshilla:
- Prindër, bëhuni një shembull i mirë për fëmijën tuaj. Edukojini të hanë sa më tepër gatime të freskëta shtëpie.
- Përdorni gatime me përmbajtje të lartë fibrash.
- Ushtrime të përditshme fizike
- Mënjanoni konsumin e yndyrnave shtazore si gjalpë, dhjamë.
- Kufizoni marrjen e fast food-eve që kanë përmbajtje të lartë kolesteroli dhe kripërash
- Mos pini duhan dhe alkool
- Merrini të gjitha vaktet, por pa e tepruar masën.
- Përdorni fibra dhe zarzavate
