Përshtati në shqip për gazetën “Shëndet+”: Blertina Koka
Shkencëtarët amerikanë po përpiqen të rrisin organet e njeriut brenda organizmit të derrit. Ata do të injektojnë qelizat staminale të njeriut tek embrionet e derrit me qëllimin për të rritur një pankreas të krijuar pothuajse nga të gjitha qelizat e njeriut brenda embrionit të derrit.
Shkencëtarët nga Universiteti i Kalifornisë kanë krijuar një “vend të ngrohtë gjenetik” tek ADN-ja e derrit, ku do të kenë mundësi të injektojnë qelizat staminale të njeriut brenda embrionit të derrit.
Shkencëtarët shpresojnë që fetusi të rrisë një pankreas me qelizat e njeriut. Ekziston pak frika se mos qelizat e njeriut emigrojnë tek truri i derrit, duke e bërë këtë kafshë më shumë njeri.
“Shpresa jonë është që embrioni i derrit të zhvillohet normalisht, në mënyrë që pankreasi të krijohet vetëm nga qelizat e njeriut dhe të mund të përdoret për transplant tek pacientët”, shprehet prof. Pablo Ross, biolog i shëndetit riprodhues dhe njëkohësisht drejtuesi i studimit.
“Mendojmë që mundësia është shumë e vogël që të rritet truri i një njeriu”.
Derrat mendohet të jenë një inkubator biologjik ideal për rritjen e organeve të njeriut, dhe mund të përdoren jo vetëm për të rritur pankreasin, por edhe zemrën, mëlçinë, veshkat, mushkëritë dhe korneat e syrit.
Sipas prof. Pablo Ross, transplantimi i këtyre organeve mund të bëhet pa ndihmën e medikamenteve që kanë efekte anësore.
Burimi: Mirror / https://shendeti.com.al/
