Trajtimi i diabetit Tip 2, një sëmundje po prek gjithmonë e më shumë njerëz ka ndryshuar rrënjësisht vitet e fundit.
Endokrinologët e fushës referojnë se tashmë, qëllimi i terapisë te pacientet diabetikë nuk mbajtja nën kontroll e glicemisë, por duhet të shkohet edhe përtej kësaj.
Pacientet diabetikë kanë nje risk shumë të lartë për të bërë evente kardiovaskulare si dhe për të pasur një sërë komplikacionesh makro dhe mikrovaskulare.
Shpesh edhe në momentin që sapo janë diagnostikuar mund të kenë një sërë komplikacionesh që lidhen me diabetin.
Për fat të keq, qoftë edhe një vit menaxhim jo i mirë i diabetit, mund të çojë në një risk prej 67% për të bërë infarkt miokardit dhe rreth 51% për goditje në tru.
Po ashtu, pacientët me një hemoglobinë të glukozuar mbi 8% kanë një risk 4 herë më të lartë për të vuajtur nga sëmundje kronike të veshkave.
Siç bëhet e qartë nga ekspertët, diabeti rrallë herë shfaqet si një sëmundje e vetme. Për rrjedhojë, pacientët duhet të edukohen dhe të kuptojnë se qëllimi i trajtimit të tyre është mbrojtja në tërësi e organeve që shkatërrohen nga kjo sëmundje.
Barnat inovative si Ozempic, që i përkasin klasës së GLP-1, kanë sjellë pikërisht këtë risi sa i takon trajtimit të diabetit tip 2. Ato ulin ndjeshëm gliceminë dhe peshën, dhe gjithashtu ofrojnë një mbrojtje të mirë të zemrës dhe veshkave, duke parandaluar në kohë çdo komplikacion.
Ozempic tashmë është i disponueshëm me recetë sipas rekomandimit të mjekut specialist , në të gjitha farmacitë në vend.
Për shkak të popullaritetit te këtij medikamenti, pacientët duhet të jenë tejet të vëmendshëm për të mos rënë pre e kontrabandës ose produkteve që nuk vijnë në rrugë zyrtare dhe mund të kenë rrezikshmëri të lartë për shëndetin e tyre.
Të gjitha preparatet janë të autorizuara nga Agjencia e Barnave dhe duhet të kenë pullën e kontrollit.
