Përshtati në shqip për gazetën “Shëndet+”: Blertina Koka
https://www.instagram.com/p/9oNNCgqB_B/?taken-by=crocs
Sandalet prej llastiku, të njohura me emrin “Crocs”, janë ndër më të përdorurat nga fëmijët. Që nga viti 2002, kur kanë dalë për herë të parë në treg, janë shitur më shumë se 300 milionë palë në 90 shtete (përfshirë këtu edhe Shqipërinë).
Ato janë të rehatshme, nuk prishen shpejt dhe mund të përdoren edhe në vendet ujore, pasi thahen shpejt. Por, nëse i mbani veshur për një kohë të gjatë, ata mund t’ju shkaktojnë dëme të mëdha në trup.
Sipas dr. Megan Leahy, këto sandale nuk janë të përshtatshme për t’u mbajtur gjatë gjithë ditës. Arsyeja përse nuk duhen mbajtur veshur për një kohë të gjatë, sipas dr. Leahy, është se këto sandale nuk ofrojnë një mbështetje të plotë për thembrën. “Kur thembra është e paqëndrueshme, gishtërinjtë fillojnë e shtrëngohen, duke shkaktuar deformim të gishtërinjve, të shputës, probleme me thonjtë, apo kallo. E njëjta gjë mund të ndodh me shapkat me gisht apo çdo këpucë pa pjesën mbara, duke qenë se thembra nuk është siguruar”, shpjegon dr. Leahy.
Këto sandale mund t’i vishni kur shkoni në plazh ose pishina, por jo për udhëtime të gjata.
Burimi: HuffingtonPost / https://shendeti.com.al/
