Përshtati në shqip për “Shendeti.com.al“: Blertina Koka
Ja disa përbërës që mund t’i shtoni tek shampoja për t’i bërë më të fortë, më të shndritshëm dhe më të gjatë.
Lëngu i limonit
Lëngu i limonit është shumë i mirë për trajtimin e zbokthit dhe flokët e yndyrshëm. Flokët mund të hollohen dhe të këputen për shkak të zbokthit dhe yndyrës, prandaj është mirë që të përdorni lëngun e limonit për t’i mbrojtur flokët.
Mjafton vetëm të përzieni gjysmë lugë çaji lëng limoni me dy lugë gjelle shampo.
Mjaltë
Duke qenë se mjalti është një antioksidues, ai stimulon rritjet e flokëve ndërkohë që mban skalpin e kokës të shëndetshëm. Përzieni gjysmë luge çaji mjaltë me dy lugë gjelle shampo.
Aloe Vera
Aloe Vera është një ndër bimët më të përdorura për trajtime bukurie. Ajo është e mirë për rritjen e flokëve, trajtimin e zbokthit dhe zbutjes së skalpit të kokës. Nuk ka asnjë efekt anësor për të cilën mund të shqetësoheni. Përzieni vetëm një lugë çaji aloe vera me dy lugë gjelle nga shampoja juaj.
Vaj rozmarine esenciale
Vaji i rozmarinës ka një aromë fantastike dhe është shumë efektiv për trajtimin e zbokthit. Ai mund të përdoret gjithashtu si një trajtim për skalpin e thatë të kokës. Vaji stimulon daljen e qimeve të reja në kokë dhe ndihmon në rritjen dhe forcimin e flokëve.
Përzieni 5-10 pika me këtë vaj me dy lugë gjelle nga shampoja juaj.
Uji i trëndafilit
Uji i trëndafilit është njëkohësisht anti-inflamator dhe antiseptik natyral.
Përzieni një lugë çaji me ujë trëndafili me dy lugë gjelle mjaltë. Mund ta përdorni atë çdo herë që lani flokët, pa u shqetësuar se do të ketë ndonjë efekt anësor.
Burimi: Healthy Builderz / https://shendeti.com.al/
