Shkencëtarët janë shumë afër krijimit të një pilule për meshkuj që pengon lëvizjen e spermës. 30 orë pasi injektuan pilulën me një përbërës të njohur si EP055 tek minjtë meshkuj, ishte e pamundur lëvizja e spermës.
Autori kryesor i studimit, dr. Michael O’Rand, nga Universiteti i Karolinës së Veriut, tregon: “Mjafton të injektohet dhe përbërësi ndalon menjëherë lëvizjen (notimin) e spermës, duke ulur kështu aftësitë fertilizuese”.
Asnjë nga minjtë nuk pësoi ndonjë efekt anësor, që do të thotë se, sipas shkencëtarëve, përbërësi EP055 nuk ka asnjë efekt tek hormonet mashkullore.
Shumica e pilulave për kontrollin e lindjeve tek femrat përmbajnë një përzierje të hormoneve të estrogjenit dhe progesteronit, që mund të shkaktojnë shtim në peshë, luhatje të humorit ose të përziera. Ndërsa për meshkujt aktualisht ka vetëm prezervativë, që në 18% të rasteve nuk funksionojnë nëse vendosen keq.
Burimi: Daily Mail / Shendeti.com.al
