Sipas një studimi të ri, të bësh një sy gjumë më të gjatë se 40 minuta rrit rrezikun e vdekjes së parakohshme. Në mënyrë specifike, studimi, i cili u krye në një mostër prej 300,000 personash, zbuloi se ata që shijojnë sy gjumë gjatë ditës janë në rrezik të zhvillojnë sindroma metabolike, duke përfshirë obezitetin, hipertensionin dhe kolesterolin.
Hulumtimi u prezantua në takimin vjetor të Kolegjit Amerikan të Kardiologjisë. Vlen të përmendet se dremitjet e shkurtra të pasdites konsiderohen të dobishme për shëndetin e njeriut.
Studiuesit shqyrtuan zakonet e gjumit të 300,000 njerëzve dhe i krahasuan ato me të dhënat e tyre mjekësore. Ata zbuluan se dremitjet e shkurtra janë të mira për shëndetin, por nëse e bëni zakon të flini më shumë se 40 minuta, jeni në rrezik të zhvilloni sëmundje të tilla si diabeti dhe mbipesha.
Gjatë një gjumi prej më shumë se 40 minutash, trupi beson se po hyn në një fazë gjumi të thellë dhe me zgjimin, cikli metabolik ndërpritet. Kjo nuk ndodh kur dikush fle për më pak se 40 minuta.
