Lëngu i kumbullave dhe kumbullat e thata kanë një efekt laksativ ende të pakuptueshëm. 100 gramë kumbulla përmbajnë 6 gramë fibra, por “vetëm kjo nuk është sasi e mjaftueshme për të shpjeguar efektin laksativ”, thotë Liza Kimperman, dietologe dhe zëdhënëse e Akademisë së Nutricionit dhe Dietës.
Ajo çka duket se bën ndryshimin është prania e një substance (alkool sheqeri) e quajtur sorbitol. Ka 15 gramë sorbitol në 100 gramë kumbulla dhe 6 gramë sorbitol në një gotë lëng. Sorbitoli është i patretur mirë dhe i fermentuar nga bakteret në zorrë. Ai gjithashtu tërheq ujin në traktin gastrointestinal, thotë Kimperman, duke u shprehur se këto dy efekte ndihmojnë lëvizjet në zorrë.
Sorbitoli është natyralisht në frutat e thata dhe në rrushin e thatë, si dhe në shumë fruta të freskëta dhe gjithashtu prodhohet si ëmbëlsues për përdorimin në karamelet dietike dhe në çamçakëzët pa sheqer, si dhe mentet. Konsumi i tyre mund të shkaktojë gazra, ngërçe barku dhe diarre dhe Akademia e Nutricionit dhe Dietës paralajmëron kundër përdorimit të më shumë se 50 gramëve sorbitol në ditë./ Përgatiti për gazetën “Shëndet+”: Arlinda Gjypi
