Ekspertja e gjumit, Linda Melonlak, thotë se mungesa e gjumit nuk është e vetmja gjë që ul energjitë. Shumë gjëra që ju bëni (dhe nuk bëni) mund t’ju lodhin mendërisht dhe fizikisht, duke ju penguar në punët e përditshme. Ekspertët kanë zbuluar zakonet që mund të bëjë që ju ndjeheni të lodhur.
Ju ndaloni stërvitjen kur ju jeni të lodhur: stërvitja ju ndihmon të luftoni lodhjen. Në një studim të Universitetit të Gjeorgjisë, të rriturit që filluan ushtrimin e lehtë tri ditë në javë për 20 minuta raportuan se ndjeheshin më pak të lodhur dhe më energjikë. Stërvitja bën që sistemi kardiovaskular të funksionojë si duhet dhe ushqen me oksigjen indet tuaja.
Nuk pini ujë të mjaftueshëm: Dehidratimi shkakton reduktim të sasisë së gjakut dhe si pasojë bën që rrahjet e zemrës të jenë të çrregullta. Prandaj shpesh herë ndjeheni të dobët fizikisht dhe pa energji.
Keni mungesa të hekurit në trup: Mungesa e hekurit mund t’ju bëjë të ndiheni nervoz, të dobët, dhe të paaftë për tu përqendruar,thotë Godson. Duhet të konsumoni sa më shumë hekur për të zvogëluar rrezikun e anemisë. Ushqimet që përmbajnë hekur janë: mishi i kuq, fasulja, veza (përfshirë të verdhën e vezës), perimet me gjethe jeshile, arra dhe ushqimet e larta në vitaminë C (vitamina C përmirëson thithjen e hekurit), sugjeron Goodson.
Nuk hani mëngjes: Kur të zgjoheni në mëngjes, ju duhet të konsumoni patjetër mëngjes. Goodson rekomandon një mëngjes që përfshin drithërat, proteina dhe yndyra të shëndetshme. Kos të bërë me fruta, proteina, qumësht të ulët yndyrë, dhe gjalpë bajame ose vezë me dy feta bukë e thekur dhe kos./Përgatiti për “Shëndet+”: Elena Beta
