Një mjek ka paralajmëruar udhëtarët të mos bëjnë masazhe të lira në Azinë Juglindore, pasi përvoja gjoja relaksuese e një turisti u shndërrua në një makth.
Dr. Joe Whittington reagoi pas publikimit të një rasti ku një grua tregoi këmbët plot gunga të dhimbshme të partnerit të saj. Gungat i ishin shfaqur pas masazhit 5 dollarësh nga një punonjëse e moshuar në një rrugicë në Tajlandë. Gjendja e lëkurës ishte shkaktuar nga inflamacioni i folikulave të flokëve.
“Kur masazhi kushton 5 dollarë, infeksioni është falas”, tha Dr Whittington në videon e tij, duke shpjeguar më pas çfarë kishte ndodhur me të riun.
Mjeku i urgjencës dyshoi se ai kishte zhvilluar një infeksion Staphylococcus aureus, i cili mund të përhapet nëpërmjet kontaktit të drejtpërdrejtë me një person infektiv ose sipërfaqeve të kontaminuara.
Po në fakt ishte folikuliti, i cili ndodhur kur flokulat e flokëve tuaj infektohen me një bakter si stafilokok aureus, shpjegoi Dr. Whittington.
“Kjo ndodh kur duart e ndyra, vajrat e ripërdorura ose peshqirët e papastër futin baktere në lëkurë. Dhe a e dini çfarë? Këmbët e djersitura, poret e hapura dhe masazhet nëpër rrugica janë receta perfekte.”, shtoi mjeku.
Punonjësja u pa në video duke mbajtur një maskë për fytyrën, por pavarësisht mbrojtjes, Dr. Whittington paralajmëroi se bakteret mund të përhapeshin ende nga duart e saj të zhveshura te klienti.
Mjeku i urgjencës mjekësore në SHBA tha se shumica e rasteve të zakonshme mund të trajtohen me sapun, ujë dhe kohë, por disa mund të kërkojnë ilaçe të tilla si antibiotikë për të lehtësuar simptomat dhe për të adresuar shkakun themelor.
