Babai im konsumon raki. Nuk konsumon shumë, por e konsumon nga pak çdo ditë. Mjeku i ka thënë që duhet ta lërë rakinë dhe të mos e konsumojë fare, pasi mëlçia i ka zënë dhjamë dhe i është dëmtuar nga alkooli. Mund të më këshilloni se çfarë duhet të bëj?
Përgjigjet për gazetën “Shëndet+” mjekja gastrohepatologe, Esmeralda Runa
Në raste të tilla nuk ka nevojë për ilaçe. Mjafton që personi të lërë alkoolin dhe mëlçia nuk do të dëmtohet më shumë. Duke ndëprerë alkoolin ndërpritet edhe avancimi i sëmundjes. Dieta? E kam përmendur edhe më parë se është mirë që të përdoren çikoret (lakrat e egra). Mund të përdoren të ziera dhe t’u pihet lëngu jeshil që ato nxjerrin, ose mund të përdoren në sallatë. E mirë për të gjithë personat që kanë probleme me mëlçinë është edhe gjiza pa kripë, si dhe vaji i ullirit.
