Përgjigjet Elida Mici, kirurge flebologe në Poliklinikën e Specialiteteve Nr.3
Trashëgimia është një ndër faktorët kryesor në shfaqjen e venave varikoze. Nëse të dy prindërit vuajnë nga venat varikoze, mundësia për të pasur varikozë edhe fëmija është 95%.
Faktorë të tjerë që mund të çojnë në shfaqjen e venave varikoze janë: barrat, profesioni (i lidhur me pozicionin e punës, ngritjen e peshave të rënda) mbipesha ose rëniet e menjëhershme nga pesha, duhani etj.
Përsa i përket moshës së shfaqjes së kësaj sëmundjeje tek fëmijët ose adoleshentët është akoma edhe sot një realitet i neglizhuar. Autorë të shumtë këmbëngulin në aspektin e trashëgimisë, në transmetimin e sëmundjes së varikozës, duke bërë që ajo të shfaqet sa më herët./ Shendeti.com.al
