Mirëmbrëma, gazeta Shëndeti. Ju lutem, më ndihmoni. Kam marramendje të madhe. Si të kaloj? Të gjitha analizat i kam bërë. Të gjitha kanë dalë mirë. Megjithatë kam shumë marramendje. A keni ndonjë këshillë? Nuk di çfarë të përdor, më është shfaqur pas lindjes.
Përgjigjet mjekja ORL, Anjeza Kuçi
Sindromi vertiginoz mund të vijë nga arsye nga më të ndryshmet. Nuk e di nëse ka bërë ekzaminimet e nevojshme për marramendjen. Nëse problemi ka filluar pas lindjes dhe gjatë laktacionit mund të jetë edhe otosklerozis që është një sëmundje e veshit të mesëm, ndërkohë për problemet e tjera të veshit që shoqërohen me marramendje i përkasin veshit të brendshëm. Megjithatë është e nevojshme që pacientja të konsultohet me mjekun e familjes, i cili më pas e drejton tek mjeku specialist ORL./ Shendeti.com.al
