Ky është një moment heroik ku dy qen shtëpiakë janë vetëflijuar për t’i shpëtuar jetën një foshnje që ndodhej e vetme në shtëpi dhe rrezikohej të kafshohej nga një kobër vdekjeprurëse.
I gjithë ky moment është filmuar nga kamerat e sigurisë së shtëpisë. Qentë bashkëpunojnë me njëri-tjetrin për të kapur gjarprin vdekjeprurës, i kafshojnë bishtin dhe e largojnë nga lodrat e fëmijët dhe dhoma ku ishte duke fjetur foshnja. Pas një përleshje prej dy minutash, gjarpri ndalon së lëvizuri. Fatkeqësisht, njëri nga qentë ngordhi vetëm pak minuta pasi u kafshua nga kobra, një nga gjarpërinjtë më helmues në botë. Qeni tjetër ka mbijetuar, por ka mbetur i verbër.
