Përshtati në shqip: Blertina Koka
Një nga ilaçet më të mira për lehtësimin e dhimbjeve mund të parandalojë demencën, thonë shkencëtarët.
Sipas tyre, ibuprofeni ka potencialin të zhdukë sëmundjen e alcajmerit. Ky ilaç që mund të merret edhe pa recetë, ul inflamacionin në tru, i shkaktuar nga formimi i antigjeneve që çojnë në humbje të kujtesës dhe konfuzion.
Drejtuesi i studimit, Dr. Patrick McGeer, nga Universiteti British Columbia, thotë: “Njerëzit mund të parandalojnë këtë përmes një zgjidhjeje të thjeshtë që nuk kërkon as recetë e as vizitë te doktori”.
“Ky është një zbulim i vërtetë pasi tregon se alcajmer mund të eleminohet përfundimisht. Nëse zbatohet në të gjithë botën, alcajmer mund të zhduket”, vijon McGeer.
Ibuprofeni, ashtu si aspirina, është një ilaç anti-inflamator që përdoret për të trajtuar dhimbjet dhe temperaturën e lartë. Ky ilaç është zhvilluar në vitet ’60 dhe është pëehapur në të gjithë botën në vitet ’80.
OBSH e ka përfshirë këtë ilaç në listën e “mjekimeve të rëndësishme” që nevojiten në çdo sistem shëndetësor bazik.
Megjithatë, mjekët nuk e rekomandojnë përdorimin e shpeshtë të këtij ilaçi (sa herë keni dhimbje), pasi mund të çojë në zhvillim të ulcerës në stomak dhe hemorragji.
Burimi: The Sun / Shendeti.com.al
