Rezistenca ndaj antibiotikëve është bërë një shqetësim në rritje mes ekspertëve të shëndetësisë në mbarë botën. Ekspertët kanë frikë se pas disa viteve organizmi i njeriut mund të bëhet thuajse i pambrojtur kundër disa infeksioneve bakteriale.
Rezistenca ndaj antibiotikëve do të behët një kërcënim edhe më i madh se kanceri për njerëzimin, nëse nuk ndërmerret ndonjë aksion global, paralajmëroi kancelari britanik George Osborne para një muaji. Sipas Osborne, të dhënat e fundit sugjerojnë se nga viti 2050, deri në 10 milionë njerëz mund të vdesin në vit për shkak të pafuqisë së antibiotikëve për të luftuar infeksionet, shifër kjo më e madhe se numri aktual i njerëzve që vdesin nga kanceri.
Rezistenca ndaj antibiotikëve ndodh kur bakteri ndryshon dhe bëhet rezistent ndaj antibiotikut të përdorur për trajtimin kundër infeksionit që ai ka shkaktuar.
Qendra Spitalore Universitare “Nënë Tereza” ka publikuar disa këshilla se çfarë duhet të bëjnë punonjësit e shëndetësisë në këtë rast:
- Parandalo infeksionet duke u siguruar se duart tuaja, instrumentet dhe ambienti të jetë i pastër.
- Mbani datat e vaksinave të pacientëve tuaj të përditësuara.
- Në qoftë se mendoni se pacienti ka nevojë për antibiotikoterapi, sa herë është e mundur testoheni paraprakisht për të konfirmuar llojin.
- Përshkruani antibiotikun e duhur, në sasinë e duhur, në kohën e duhur.
