Përshtati: Donjeta Zeqa
Në ditën e nënave, këngëtarja me origjinë shqiptare, Rita Ora ka folur për nënën e saj dhe betejën me kancerin e gjirit. E ftuar në emisionin special “VH1 Dear Mama”, Rita ka folur për vuajtjet që kanë kaluar pas vitit 1991, kur u larguan nga Kosova për shkak të problemeve me Serbinë.
“U largove nga Kosova si doktoreshë, ndërsa kur erdhëm në Londër u desh të shkoje në shkollë për 6 vjet për t’u rikualifikuar. Të është dashur të rimesoje gjithçka nga fillimi, madje edhe gjuhën vetëm për të treguar veten. Por, nënë t’i kurrë nuk u dorëzove. Përvjele mëngët, shkove në shkollë, nise një punë për të ndihmuar babanë dhe për të përkrahur familjen. Të gjitha këto i bëre gjatë kohës që po luftoje kancerin”, ka folur Rita e emocionuar.
“Kemi thënë se nuk do të qajmë”, i është drejtuar më pas ajo nënës së saj, Vera, me lot në sy. Ndërkohë nëna e Rita Orës është munduar të mbajë emocionet, edhe pse sytë i kishte me lot./ https://shendeti.com.al/
