Kryefaqja Box 4 Sa shpesh duhet të laheni?

Sa shpesh duhet të laheni?

0
Shpërndaje

Ekzistojnë këndvështrime të ndryshme lidhur me sa herë në javë duhet të lahet një person. Në varësi të flokëve dhe llojit të lëkurës, larja çdo ditë mund t’i bëjë mirë lëkurës, ose e kundërta, nëse keni lëkurë tepër të ndjeshme.Sa shpesh duhet te laheni

Të bërit dush më shumë seç duhet mund të shkaktojë efekte negative tek flokët, siç mund të jetë dëmtimi i majave, ndërsa përdorimi i tepërt i produkteve kozmetike mund të grumbullojë gradualisht një tepricë kimikatesh të dëmshme.

Sipas një sondazhi të realizuar vitin e shkuar, 4 në 5 femra nuk lahen çdo ditë, ndërsa një e treta deklaruan se mund të qëndronin edhe 3 ditë pa bërë dush. Pyetjet që shtrohen janë: A po lahemi më shumë seç duhet? Sa herë duhet të lahemi në javë?

Sipas profesorit Stephen Shumack, president i “Kolegjit Australasian të Dermatologjisë” në Zelandën e Re, duhet të laheni kur është e nevojshme. Duke folur për “Sunday Morning Herald”, ai tha: “Ideja e të bërit dush çdo ditë është kthyer në një gjë të zakonshme vetëm gjatë këtyre 50 – 60 viteve të fundit. Presioni për ta bërë këtë është në fakt më shumë social, sesa një nevojë reale. Është bërë popullore për shkak të nevojës së shoqërisë për të mbajtur erë të mirë. Në fakt, janë vetëm gjendrat në sqetulla dhe ije që prodhojnë erë trupi”.

Shumack paralajmëroi gjithashtu se një dush me ujë të ngrohtë çdo ditë mund të shkaktojë më shumë probleme sesa të mira: “Të bërit dush më shumë seç duhet i heq lëkurës vajërat natyrale që prodhon trupi për të mbrojtur qelizat e lëkurës. Kjo mund të shkaktojë probleme me lëkurën, duke e bërë atë më të prekshme ndaj baktereve dhe viruseve, duke shkaktuar kështu irritime, kruarje, tharje të lëkurës, deri në shfaqjen e ekzemës”.

Burimi: Independent/ Përshtati për gazetën “Shëndet+”: Blertina Koka

LËR NJË MESAZH

Please enter your comment!
Please enter your name here