Blerina Bombaj, dietologe
Ka disa gjëra që duhet të bëni për një metabolizëm më të shëndetshëm. Ja disa pika kryesore:
Ndërtoni muskuj
Trupi ynë djeg kaori në mënyrë konstante, edhe kur jemi duke fjetur. Kjo djegie është më e lartë në njerëz me masë muskulare më të madhe. Çdo kilogram muskul djeg rreth 12 kalori vetëm “për të mbajtur veten”, ndërkohë që sasia përkatëse e dhjamit djeg vetëm 2 kalori! Kjo diferencë mund të rritet me kalimin e kohës. Pas një ushtrimi të muskujve p.sh. me vegla ose me pesha, aktivizohen të gjithë muskujt e trupit duke rritur djegien ditore që bën trupi.
Furnizohuni me ujë
Organizmi ka nevojë për ujë që të procesojë kaloritë. Nëse keni mungesë lëngjesh në trup metabolizmi ulet. Pini një gotë ujë përpara çdo vakti për të qëndruar të hidratuar. Shuajeni nepsin me fruta dhe zarzavate të cilat janë të pasura edhe në ujë.
Të “pickuarit”
Të ngrënit shpesh ju ndihmon vërtetë të dobësoheni. Kur hani vakte me shumë ushqim duke lënë të kalojnë shumë orë midis tyre, metabolizmi juaj ngadalësohet. Duke “pickuar” ndonjë gjë të vogël 3 orë para dhe pas vakteve ju digjni më shumë kalori gjatë ditës.
Bëjini vaktet pikante
Ushqimet pikante kanë përbërës të cilët rrisin djegien. Një lugë e vogël spec djegës i kuq apo jeshil e përshpejton metabolizmin. Efekti sigurisht, është për pak kohë por, nëse konsumoni vazhdimisht ushqime djegëse mund të kontribuojë në rritjen e energjisë që harxhoni. Copëzat e specit të kuq mund të shkojnë shume mire me fasulet dhe pastat.
Fuqizohuni me proteina
Trupi djeg më shumë kalori kur tret proteinat sesa kur tret yndyrnat apo karbohidratet. Ndërkohë që duhet të ushqeheni ne mënyrë të ekulibruar, zeëvendesimi i disa karbohidrateve me proteina napërmjet ushqimeve proteinike mund të rrisi metabolizmin në çdo vakt. Burime të shëndetshme proteinash janë mishi i viçit pa yndyrë, mishi i pulës, peshku, veza, fasulet, frutat e thata dhe bulmeti pa yndyrë.
