A keni ngrënë hudhër dhe goja juaj ka mbajtur erë të fortë? Ekziston një mënyrë “sekrete” për ta zhdukur atë aromë të keqe, por edhe të sikletshme.
Era e keqe e gojës shkaktohet nga komponimet e squfurit në hudhër. Meqenëse trupat tanë nuk mund t’i zbërthejnë komponimet e squfurit, ato eliminohen nëpërmjet frymëmarrjes dhe djersës.
Mënyra më e mirë për t’u çliruar nga era e keqe e gojës në këtë rast është të hani një mollë, sipas një studimi nga Universiteti Shtetëror i Ohajos.
Studiuesit shqyrtuan se si ushqime të ndryshme ndikuan në nivelet e komponimeve të squfurit pas konsumimit të hudhrës së papërpunuar dhe u tregua se molla neutralizoi erën në mënyrë më efektive krahasuar me ushqimet e tjera të testuara.
Studiuesit besojnë se një enzimë e pranishme në mollë reagon me përbërësit e hudhrës, duke i zbërthyer ato dhe duke parandaluar erën e keqe të gojës.
Çaji jeshil, spinaqi, majdanozi dhe menteja e freskët duket se neutralizojnë erën e hudhrës deri në një farë mase, ndoshta sepse përmbajnë polifenole, substanca që zbërthejnë gjithashtu komponimet e squfurit.
