Përshtati në shqip për “Shendeti.com.al“: Blertina Koka
Disa preferojnë librat voluminoz të Tolstoit, e ndërsa të tjerë janë të tërhequr nga Harry Potter.
Çfarëdo gjinie t’i përkasin, librat të zgjasin jetën, ka zbuluar një studim i ri. Personat që lexojnë libra jetojnë mesatarisht dy vite më shumë se ata që nuk lexojnë.
Gjatë studimit të kryer për më shumë se 12 vite, u vu re se personat që lexonin për më shumë se 3 orë e gjysmë në javë kishin 23% më pak gjasa të vdisin, krahasuar me ata që nuk lexonin fare.
Të lexuarit e gazetave, revistave, periodikëve lidhet gjithashtu me të jetuarit më gjatë, megjithatë lidhja nuk është edhe aq e fortë, thonë shkencëtarët.
Hulumtuesit shkencorë nga Universiteti Yale përdorën të dhënat e më shumë se 3600 njerëzve mbi moshën 50 vjeç. Përveç të dhënave shëndetësore, pjesëmarrësit u pyetën edhe për leximin e librave.
Ekipi i ndau ata në tri grupe: ata që nuk lexonin libra, ata që lexonin 3 orë e gjysmë në javë, dhe personat që lexonin më shumë se kaq.
Lexuesit më të pasionuar ishin femrat të cilat kishin mbaruar universitetin dhe kishin të ardhura të larta.
Studimi është publikuar tek revista “Social Science and Medicine”.
Burimi: Daily Mail / https://shendeti.com.al/
