Përshtati në shqip: Blertina Koka / Shëndeti Online dhe gazeta ‘Shëndet+’
Pacienti luan në kitarë dhe bën serenata për kirurgët, ndërkohë që ata po i heqin tumorin në tru.
40-vjeçarit Rolden Batista i është dashur të luajë me instrumentin dhe të këndojë gjatë kohës së operacionit, që mjekët të kishin mundësi ta monitoronin për ndonjë dëmtim.
Vitin e kaluar ai pësoi disa kriza të njëpasnjëshme.
Pas iu nënshtrua disa kontrollove dhe skanerëve me rreze-X, zbuloi se kishte tumor në tru.
“Më thanë se duhet t’i nënshtrohesha operacionit dhe kishte dy metoda. Njëra në narkozë dhe e dyta, të më zgjonin gjatë operacionit”, tregon z. Batista për mediat lokale.
Duke qenë se metoda e dytë kishte më shumë gjasa për të pasur sukses, pacienti zgjodhi të dytën.
Mënyra më e mirë që të kuptonin nëse kishin bërë ndonjë gabim gjatë operacionit, ishte që pacienti të këndonte një këngë. Kështu mjekët do të kishin mundësi të monitoronin pjesën e trurit që kontrollon lëvizjet, të folurin dhe ndjenjat para se të jetë shumë vonë.
Mediat braziliane raportojnë se operacioni rezultoi me sukses dhe pacienti po e rimerr veten.
Një tjetër rast i ngjashëm ka ndodhur në Brazil në vitin 2015, ku pacienti është detyruar të këndojë dhe luajë në kitarë ndërkohë që po i nënshtrohej operacionit në tru.
Burimi: Daily Mail / https://shendeti.com.al/
