Përshtati në shqip për “Shendeti.com.al“: Blertina Koka
Një buzëqeshje rrëzëllitëse është aksesori më i mirë që mund të veshim. Duke qenë se shërbimet profesionale për zbardhjen e dhëmbëve kushtojnë shtrenjtë, shumë njerëz po kërkojnë për mënyra natyrale për t’i zbardhur dhëmbët, pa harxhuar shumë para.
Blogerja kaliforniane Sadiya Slayy ka publikuar një video në llogarinë e saj në Instagram, ku shihet duke zbardhur dhëmbët me Shafran Indie.
Sadiya përzien vetëm një lugë gjelle shafran me dy lugë gjelle ujë, dhe e aplikon në fytyrë dhe dhëmbë. Tek fytyra e lë për 10 minuta, ndërsa tek dhëmbët vetëm për dy minuta. Fillimisht pastron dhëmbët dhe më pas fytyrën, si zakonisht.
Shafrani i Indisë është cilësuar prej kohësh si zgjidhja e shumë problemeve. Përveçse është i mirë për fytyrën dhe ju ndihmon të bini në peshë, shumë njerëz e kanë përdorur këtë erëz për të hequr pllakën bakteriale dhe zbardhur dhëmbët.
Sipas blogeres, Shafrani i Indisë e ndihmon për të hequr aknet dhe njollat e zeza në fytyrë, dhe për të zbardhur dhëmbët.
https://www.instagram.com/p/BHTVpjwBK3i/?taken-by=sadiaslayy
Burimi: Daily Mail / https://shendeti.com.al/
