Kryefaqja Shendeti a-z K Shifra të frikshme: Të diagnostikohesh me kancer, më e zakonshme se të...

Shifra të frikshme: Të diagnostikohesh me kancer, më e zakonshme se të martohesh

0
Shpërndaje

Përshtati në shqip: Blertina Koka

Të prekesh nga kanceri është tani më e zakonshme se sa të martohesh apo të lindësh fëmijë. Në këtë përfundim ka arritur një studim i fundi i kryer nga “Macmillan Cancer Support”, i cili tregon se në vitin 2014 në Britani janë diagnostikuar 361,216 raste me kancer, krahasuar me 289,841 martesa që janë bërë këtë vit.

Rastet e reja me kancer janë gjithashtu po aq të zakonshme sa diplomimi në universitet dhe më të zakonshme sesa lindja e një fëmije.

Në vitin 2015, në Angli dhe Uells 271,050 gra janë bërë nëna për herë të parë, ndërkohë që janë diagnostikuar 319,011 raste të reja me kancer.

Të dhënat gjithashtu tregojnë se gjatë dekadës së fundit, më shumë se 1.2 milionë njerëz janë diagnostikuar me kancer nën moshën 65 vjeç.

Këtu përfshihen 343,000 njerëz në Britani të cilët janë diagnostikuar me kancer në të 20-tat 30-tat dhe 40-tat mes viteve 2006-2015.

“Kanceri të ndryshon jetën, por jo gjithmonë është fundi i jetës. Jeta vazhdon edhe me kancer – je përsëri baba, motër, gjysh apo shok”, shprehet Lynda Thomas, shefe ekzekutive e Macmillan Cancer Support.

Burimi: The Telegraph / Shendeti.com.al

LËR NJË MESAZH

Please enter your comment!
Please enter your name here