Përshtati në shqip për gazetën “Shëndet+”: Blertina Koka
Një kompani spanjolle ka krijuar një dyshek të teknologjisë së lartë, i cili njofton blerësit nëse partnerët e tyre i kanë tradhtuar. Dizajni i “Smarttress” është si të gjithë dyshekët e tjerë, vetëm se është i pajisur me sensorë që zbulojnë lëvizjet dyshuese në shtrat. Nëse zbulojnë aktivitete dyshuese në lidhje me kohën e përdorimit, frekuencën, intensitetin dhe shpejtësinë, atëherë njoftojnë menjëherë blerësin nëpërmjet një aplikacioni në telefon.
“Nëse partneri nuk është besnik, të paktën keni dyshekun që nuk ju tradhton kurrë”, është slogani i përdorur nga kompania Durmet.
Kompania e ka krijuar këtë dyshek duke parë numrin e madh të tradhtive që bëhen midis çifteve. Sondazhet e fundit kanë treguar se spanjollët janë më të pabesët në botë sa i përket marrëdhënieve në çift.
Dysheku kushton rreth 1700 dollarë.
Burimi: The Telegraph / https://shendeti.com.al/
