Mbushur me antioksidues, kafja mund të luftojë plakjen e lëkurës duke eliminuar toksinat dhe duke ju mbrojtur lëkurën nga ndotja, tymi i duhanit, dhe më shumë.
Kafeina është tepër e dobishme në rutinën tuaj të bukurisë. Ja disa këshilla që mund t’i ndiqni për të pasur lëkurë të mrekullueshme.
Për fytyrën: Përzieni 2 lugë kafe me 2 lugë pluhur kakao, 3 lugë qumësht të freskët dhe 1 lugë gjelle mjaltë. Aplikoni një shtresë nga kjo përzierje në fytyrën tuaj. Lëreni për rreth 15 minuta pastaj hiqeni me një leckë të ngrohtë.
Për flokët: Kur masazhoni lëkurën e kokës me kafe, kafeina e ndodhur në kafe mund të stimulojë rritjen e flokëve.
Në një tenxhere hidhni pak kafe, pastaj shtoni gjysmë gotë me ujë. Ndërkohë që bëni dush, derdhni këtë përzierje mbi flokë dhe për 20 minuta mbështillni flokët me një qese plastike. Më pas lani flokët si zakonisht me ujë të ngrohtë.
Për trupin: Përzieni së bashku 1 filxhan llum kafeje me ½ filxhan sheqer të bardhë ose ngjyrë kaf dhe 1 filxhan vaj kokosi. Bëjini masazh trupit dhe më pas lajeni me ujë të ngrohtë.
Kur aplikohet në lëkurë, kafja mund të ndihmojë për të eliminuar yndyrën nga lëkura.
Përgatiti për “Shëndet+”: Elena Beta/ Burimi: Health.com
