Rolina Naço, dietologe
Përgatisni vetë biskota me drithëra tepër të ushqyeshme për ju dhe fëmijët tuaj! Ja një recetë tepër e thjeshtë.
Përbërës për 24 copë biskota:
- 200 gramë çokollatë mbi 60% kakao
- 75 gramë tërshrë
- 150 gramë fruta të thata (kajsi, fik, rrush, kumbulla etj)
- 100 gramë fruta të thata, farat (arra, bajame, lajthi etj)
- 1 lugë gjelle mjaltë
- 1 lugë kafe stevia ose sheqer
- 1 lugë kafe kanellë
- grimcat e lëkurës nga 2 portokalle
Përgatitja
Marrim një tepsi dhe shtrojmë tërshërën, farat e ndryshme të cilat i copëtojmë, frutat e thata të cilat i presim më parë, i përziejmë dhe përbërësit e tjerë (mjaltë – kanellë – stevia – grimcat e portokallit) dhe i pjekim 5 minuta në furrë në 220 gradë.
Më pas e shkrijmë çokollatën në banjë mari! Me ndihmën e një luge bëjmë një shtresë rreth 1 cm të çokollatës te masa që sapo kishim pjekur. E vendosim rreth 30 minuta në ngrirje dhe më pas mund ta mbajmë në frigorifer gjatë!
