Përgatiti për gazetën “Shëndet+”: Elena Beta
Kur vjen stina e verës dhe plazhi, të gjithë kërkojmë zgjidhje të reja për lëkurë të nxirë dhe të shëndetshme. Problemet që i shkakton lëkurës ekspozimi për orë të gjata në diell mund të evitohen shumë lehtë duke përdorur këtë krem natyral i cili përveç ngjyrës të bukur që i ofron trupit, ju siguron lëkurë të shëndetshme. Ja si ta përgatisni!
Përbërësit:
Gjysmë filxhani vaj organik bajame ose ulliri, ¼ filxhan vaj kokosi, 2 lugë pluhur oksid zinku
Përgatitja:
Në një enë qelqi, vendosni të gjithë përbërësit, përveç oksidit të zinkut, e më pas vendoseni enën në një tenxhere me ujë, që të ngrohet ngadalë në avull. Pasi të shkrihen të gjithë përbërësit, largojeni nga zjarri dhe shtoni oksidin e zinkut. Pas ftohjes kremi nxirrës është gati.
Oksidi i zinkut është mineral jotoksik, i cili nuk depërton në gjak, por sillet si pasqyrë, duke evituar rrezet e dëmshme të diellit.
Ky krem ju mbron nga dielli 20 % dhe nuk është rezistent ndaj ujit, prandaj këshillohet ta rivendosni përsëri. Afati i përdorimit të këtij kremi është gjashtë muaj.
Përpara përdorimit duhet të konsultoheni me mjekun!
Burimi: glamur/https://shendeti.com.al
