Qëndroni larg nga personat e sëmurë: “Mikrobet të kthyera në grimca teshtitje mund t’ju ekspozojnë ndaj virozëve. Në qoftë se një njeri i cili ndodhet në një dhomë me ju fillon të kollitet, gjeni një justifikim dhe vraponi në një vend tjetër.
Mos prekni shumë buzët: nëse nuk prekni fytyrën zvogëloni shanset për të marrë ndonjë virozë”, thotë Margarita Roh, mjeke në “Langone Medical Center”.
Bëni gjumë të rregullt: një studim i publikuar në “Archives of Internal Medicine’ ka gjetur se njerëzit që flinin për më pak se shtatë orë ishin gati tre herë më të ndjeshëm ndaj ftohjeve sezonale krahasuar me njerëzit që flinin të paktën tetë orë.
Masazhoni kraharorin: është një pikë mes të gjoksit dhe fundit të brinjës të tretë. Masazhoni këtë pikë çdo disa orë për të parandaluar ftohjen, thotë Daniel Hsu, mjek i akupunkturës dhe mjekësisë aziatike në Nju Jork.
Përgatiti për “Shëndet+” : Elena Beta/ Burimi: Health.com
