Pyetje
Kam dëgjuar lidhur me uljen e sheqerit në gjak. A mund të më thoni si trajtohen këto raste?
Përgjigje
Hipoglicemia përbën një urgjencë mjekësore dhe situata duhet zgjidhur menjëherë. Personat që vuajnë nga diabeti janë të ambientuar me këto situata. Rehabilitimi synon ngritjen e sheqerit në gjak në vlerat normale përmes gëlltitjes së karbohidrateve që mund të jenë në formën e sheqerit ose të lëngjeve të frutave (për shembull rreth 150 ml lëng rrushi ose portokalli).
Situata fillon të përmirësohet brenda pesë minutave, por përmirësimi i plotë arrihet pas 20 minutash.
Pastaj duhet një kontroll i plotë i organizmit për të përcaktuar shkakun e vërtetë të hipoglicemisë (sidomos te personat që shfaqet për herë të pare).
Konsultat me mjekun endokrinolog do të përcaktojnë edhe mënyrën e ushqyerjes, si edhe aktivitetin fizik të domosdoshëm.
