Përshtati në shqip për “Shendeti.com.al“: Blertina Koka
Një studente humbi të gjithë flokët brenda dy muajsh si pasojë e stresit të madh nga provimet në universitet.
Nga presioni i madh për të studiuar shkencat arkeologjike, antropologjike dhe mjeko-ligjore tek Universiteti Bournemouth, në Britani, 20-vjeçares Katie-Anna Moore filluan t’i binin flokët në mars të këtij viti.
Fillimisht i binin vetëm ca shtëllunga të vogla në dush, ndërsa brenda 8 javësh i ranë gati 70% e flokëve.
“Dukesha si një burrë i vjetër . Ishte shkatërruese për mua” tregon ajo.
“Qaja gjatë gjithë kohës dhe nuk doja të flisja me asnjë nga miqtë e mi apo të tregoja në universitet se çfarë po ndodhte me mua. Gjithçka ndodhi aq shpejt”.
Tani ajo është diagnostifikuar me alopeci areata, një sëmundje autoimmune që shkakton rënie të qimeve në kokë ose trup.
Mjekët i kanë thënë se kjo sëmundjeje mund t’i jetë shkaktuar si pasojë e stresit.
Burimi: Mirror / https://shendeti.com.al/
