Kryefaqja Box 2 Studim: Ja cila është koha maksimale që mund të qëndroni ulur pa...

Studim: Ja cila është koha maksimale që mund të qëndroni ulur pa dëmtuar zemrën

0
Shpërndaje

Përshtati në shqip për “Shendeti.com.al”: Blertina Koka

Një studim i fundit ka zbuluar kohën maksimale që një individ mund të qëndrojë ulur pa rritur rrezikun për t’u prekur nga sëmundjet kardiovaskulare, përfshirë këtu sëmundjet koronare të zemrës, goditjet në tru dhe atakun në zemër.qendrim ulur

Edhe pse shumë studime të tjera kanë treguar se qëndrimi për një kohë të gjatë ulur mund të shkaktojë sëmundje të ndryshme, përfshirë këtu diabetin e tipit 2, sëmundje të mëlçisë që nuk është e shkaktuar nga alkooli, goditje në tru, tension të lartë të gjakut etj, deri tani nuk ka pasur një kohë të saktë sa mund të qëndrojë ulur një njeri para se të ketë efekte negative në shëndet.

Për të parë lidhjen mes numrit të orëve të qëndrimit për një kohë të gjatë ulur dhe rrezikut për sëmundje kardiovaskulare, një grup hulumtuesish shkencorë nga disa institucione të ndryshme kanë analizuar të dhënat nga databaza e EMBASE dhe MEDLINE.

Të dhënat shtrihen në një periudhë prej 11 vitesh dhe janë përfshirë më shumë se 700 mijë pjesëmarrës.

Nga analizat e të dhënave, hulumtuesit shkencorë dolën në përfundimin se qëndrimi ulur për 10 orë në ditë fillon të shkaktojë probleme kardiovaskulare tek një individ.

Edhe pse numri i orëve mund të duket i lartë, shkencëtarët thonë se shumë njerëz qëndrojnë për aq kohë ulur. Punonjësit e zyrës, për shembull, mund të qëndrojnë ulur në karrigen e tyre për 7-8 orë në ditë. Edhe kur shkojnë në shtëpi, ata qëndrojnë ulur kur hanë darkën, kur shohin televizor apo shfletojnë në internet (ka raste kur njerëzit punojnë edhe nga shtëpia).

Ekspertët rekomandojnë që të bëni pushim mes orëve të punës dhe të lëvizni nga karrigia, që të shmangni pasoja më të rënda në të ardhmen.

Burimi: AFP News / https://shendeti.com.al/

LËR NJË MESAZH

Please enter your comment!
Please enter your name here