Përshtati në shqip për gazetën “Shëndet+”: Blertina Koka
Një studim i ri ka konfirmuar se ushtrimet fizike ulin rrezikun e prekjes nga disa lloje të ndryshme kanceri. Njerëzit që ushtrohen më shumë janë 42% më pak të rrezikuar të preken nga kanceri i fytit dhe 27% më pak nga kanceri i mëlçisë krahasuar me njerëzit që ushtrohen më pak, tregoi studimi i kryer tek 1.4 milionë njerëz.
Ata që ushtrohen më shumë janë:
- 26% më pak të rrezikuar të preken nga kanceri i mushkërisë
- 23% më pak të rrezikuar të preken nga kanceri i veshkës
- 22% më pak të rrezikuar të preken nga kanceri i stomakut
- 21% më pak të rrezikuar të preken nga kanceri i endometriozës
- 20% më pak të rrezikuar të preken nga leucemia e palcës kurrizore
- 17% më pak të rrezikuar të preken nga mieloma
- 16% më pak të rrezikuar të preken nga kanceri i zorrëve
- 15% më pak të rrezikuar të preken nga kanceri i qafës dhe kokës
- 13% më pak të rrezikuar të preken nga kanceri i zorrës së trashë
- 13% më pak të rrezikuar të preken nga kanceri i fshikëzës së urinës
- 10% më pak të rrezikuar të preken nga kanceri i gjirit
Shkencëtarët e Institutit Kombëtar të Kancerit vëzhguan disa studime mbi kancerin të kryera në SHBA dhe Evropë, dhe i mblodhën të gjitha gjetjet e tyre në një dosje të vetme. Ata krahasuan njerëzit që ushtroheshin 90% më shumë se kushdo në studim dhe ata që ushtroheshin shumë pak.
Mesatarisht, njerëzit kryenin 2 orë e gjysmë ushtrime të ndryshme në javë, si ecje, vrapim, palestër, not etj. Njerëzit që kryenin më shumë aktivitete fizike ushtroheshin më shumë se 1 orë në ditë.
“Niveli i lartë i aktivitetit fizik lidhet me 7% më pak rrezik të prekjes nga kanceri në përgjithësi”, shkruan shkencëtarët në raportin e tyre, të publikuar tek revista amerikane “JAMA Internal Medicine”.
“Ushtrimi fizik sjell përfitime të ndryshme shëndetësore. Ai mund të ulë rrezikun e prekjes nga sëmundjet e zemrës dhe diabeti, dhe mund të na zgjasë jetën. Tani kemi zbuluar se ai ul gjithashtu rrezikun e prekjes nga disa lloje kanceri,” u shpreh Steven Moor, autori kryesor i studimit.
Burimi: NBC News / https://shendeti.com.al/
