Kryefaqja Box 1 Studimi i fundit: Lumturia është e dëmshme për zemrën

Studimi i fundit: Lumturia është e dëmshme për zemrën

0
Shpërndaje

Përshtati për gazetën “Shëndet+”: Blertina Koka

Stresi emocional që shkakton dhimbje të gjoksit dhe vështirësi me frymëmarrjen mund të ndodhë edhe në momente të lumtura, ashtu siç ndodh kur jemi të mërzitur, të frikësuar apo të pikëlluar, sugjeron një studim i ri suedez.studim

Tre të katërtat e rasteve me sindromën “takotsubo”, ndryshim i formës së barkushes së majtë të zemrës, janë shkaktuar nga stresi dhe një në njëzet raste janë shkaktuar nga gëzimi. Kjo gjendje zgjat përkohësisht dhe njerëzit arrijnë ta marrin veten shumë shpejtë.

Nga shqyrtimi që iu bë 1,750 pacientëve, kërkuesit shkencorë zbuluan se problemet me zemrën shkaktohen nga:

  • një festë ditëlindjeje
  • dasma e djalit
  • takimi me një mik pas 50 vitesh
  • kur ekipi i preferuar i futbollit fiton ndeshjen
  • kur fiton loton
  • kur bëhesh gjysh për herë të parë

Sipas Dr. Jelena Ghadri, një nga kërkueset shkencore, sindroma “takotsubo” nuk ndodh më vetëm tek pacienti klasik me “zemër të thyer”, por kjo sëmundje mund të shkaktohet edhe nga emocionet pozitive.

Ajo mendon se si ngjarjet e hidhëruara ashtu edhe ato të lumtura ndajnë të njëjtën “rrugë emocionale” në krijimin e kësaj gjendjeje. Shkencëtarët mendojnë se duhet të bëhen më shumë kërkime shkencore për të kuptuar se si ngjarje të tilla emocionale mund të shkaktojnë dëmtime të përkohshme të zemrës tek disa individë të ndjeshëm.

Burimi: BBC / https://shendeti.com.al/

LËR NJË MESAZH

Please enter your comment!
Please enter your name here