Ushtrimet e rregullta pas trajtimit ulin rrezikun e vdekjes tek pacientët me kancer me më shumë se një të tretën, sipas një studimi të ri.
Sporti dhe lëvizja mund të ndihmojnë në parandalimin e rikthimit të sëmundjes, si dhe në përmirësimin e humorit, niveleve të energjisë dhe forcës, zbuluan studiuesit në një provë që mund të “transformojë” praktikën mjekësore.
Lloje të ndryshme ushtrimesh me intensitet të moderuar plotësonin kriteret, duke përfshirë 40 minuta ecje të shpejtë, vrapim gjysmë ore, klasa në qark, çiklizëm ose not.
Çfarë përfshinte studimi?
Në studimin CO21 Challenge u përfshinë 889 persona me kancer të zorrës së trashë nga gjashtë vende të botës.
Të gjithë pacientët kishin bërë ndërhyrje kirurgjikale dhe kimioterapi për kancerin e tyre dhe konsideroheshin mjaftueshëm mirë për të ushtruar, por nuk ishin shumë aktivë.
Njërit grup iu dha një program ushtrimesh tre-vjeçar i përshtatur shumë mirë, i cili përfshinte seanca trajnimi personalisht për gjashtë muajt e parë dhe takime të rregullta me një konsulent të aktivitetit fizik.
Grupit tjetër iu ofruan thjesht materiale që promovonin ushtrimet dhe të ushqyerit.
Pas pesë vitesh, rreziku i vdekjes, rikthimit të sëmundjes ose zhvillimit të një kanceri të ri ishte 28% më i ulët në grupin me plane ushtrimesh të personalizuara, edhe pse respektimi i programit u ul.
Dhe pas tetë vitesh, rreziku i vdekjes kishte rënë në 37%.
