“He for She” ishte slogani që mblodhi bashkë të rinjtë e Qendrës Rinore “Epoka e Re” Fier, për t’i ftuar ata, të kontribuojnë si “Agjentë Ndryshimi” për përparimin e barazisë gjinore në shoqëri.
Të rinjtë e Qëndrës, organizuan një aktivitet ku prezantuan misionin e fushatës dhe ftuan të gjithë bashkëmoshatarët të bëhen pjesë në gjenerimin dhe përhapjen e ndërgjegjësimit mbi rëndësinë që djemtë dhe burrat kanë, për eliminimin e diskriminimit dhe dhunës kundër grave dhe vajzave.
Kësaj nisme ju bashkua edhe Kryetari i Bashkise Fier Z. Subashi i cili u shpreh se e mbështët plotësisht fushatën dhe njëkohësisht do të behet pjesë aktive e saj.
Në kuadër të 16 ditëve të Aktivizmit, të rinjtë e Qëndrës Rinore “Epoka e Re”, zhvilluan gjithashtu takime me prindërit e nxënësve të shkollës “Pinollopi Pirro” ku u diskutua mbi dhunën në familje dhe format e parandalimit të saj.
Brisilda Hasaj, përfaqësuese e Qendrës Rinore “Epoka e Re” u shpreh e kënaqur nga pjesëmarrja e një numri të konsiderueshëm të rinjsh të cilët ofruan mbështetje të plotë për aktivitetet që do të organizohen gjatë ditëve në vijim, në mështetje të kësaj kauze kaq sensibilizuese “Ai për Atë”
