Ngërçet muskulare:
Ndër më të shpeshtat janë dhimbjet apo ngërçet muskulore, të shkaktuara nga humbja e lëngjeve dhe e elektroliteve, sidomos tek personat që kryejnë aktivitet fizik të shpeshtë, por edhe tek personat që përdorin medikamente për shtimin e urinimit.
Skuqja e lëkurës
Karakterizohet nga puçrra të vogla, të kuqe e japin kruarje enjtja (edema), sidomos në kyçet e këmbëve, të shkaktuara nga zgjerimi i enëve të gjakut dhe mbajtja e ujit.
Gjendje të fikëti
Shoqërohet me marrje mendsh apo të fikët për shkak të humbjes së lëngjeve, zgjerimit të enëve të gjakut, të sëmundjeve kardiovaskulare apo marrjes së disa medikamenteve.
Humbja e lëngjeve
Dehidratimi ose siç njihet në gjuhën e përditshme humbja e lëngjeve, është shumë i zakonshëm, shkaktohet nga mungesa e ujit ose natriumit(sodiumit), lidhet me shenja jo-specifike si,lodhje, ndjenja e të ndjerit pafuqi, marrje mëndsh, kolaps i qarkullimit të gjakut. Kjo ndodh kur temperatura e brendshme është midis 38 ° dhe 40 ° C dhe nëse nuk trajtohet transformohet në goditje nga nxehtësia.
Goditja nga nxehtësia
Vjen nga qëndrimi në ambiente shumë të nxehta të mbyllura, me lagështi e pak të ajrosura. Djersa është në sasi të pakët e pengon avullimin e nxehtësisë së trupit. Shoqërohet me temperaturë të lartë,etje të shumtë,lëkurë të nxehtë,rrahje zëmre të shpejta, frymëmarrje e shpejtë dhe ulje e presionit arterial.
Problemet për pacientët me sëmundje kronike
Rëndim të një sërë sëmundjesh kronike, sidomos sëmundja e hipertensionit, sëmundje të zemrës, astma bronkiale, bronkiti kronik, pneumopatia obstruktive kronike, diabeti, insuficienca e veshkave, sëmundjet mendore e nervore si parkinsoni, alzhaimer, skizofrenia, demenca etj.
Infeksionet dhe helmimet ushqimore
Infeksionet nga ushqimet shkaktohen nga salmonella, shigella etj. si rezultat i higjienës personale të ulët, nga ngrënia e zarzavateve të gjalla, i ushqimeve të pagatuara apo të pakonservuara në mënyrë të drejtë si mishi, vezë, sallamet, produktet e detit, qumështi sallatrat etj. Intoksikacionet për shkak të ushqimeve vijnë nga ushqimet me përmbajtje toksine nga stafilokoku, parazitët etj. Intokskacionet ose siç thuhet ndryshe helmimet ndodhin nga përdorimi i ushqimeve të skaduara, ushqimeve që nuk gatuhen në mënyrë korrekte apo të ringrohura jo korrektësisht etj
