Lija e dhenve është një sëmundje shpërthyese, shumë ngjitëse që shkaktohet prej virusit herpetik të “variçela-zoster”. Lija e dhenve (Variçela) nuk duhet ngatërruar në radhë të pare si nocion me linë e vërtetë (Variola),për të cilën ne jemi të vaksinuar qysh në fëmijërinë e hershme.
Pediatrja Mirela Dibra tregoi në emisionin GoodMorning Albaninas në Euronews Albania rreziqet që mund të shkaktojë në organizmin e fëmijës lija e dhenve.
Ajo këshilloi që në rast të temperaturës së lartë të zgjatur, duhet shkuar urgjent te mjeku pasi lija e dhenve mund të shkaktojë encefalit te fëmijët.
“Ndër komplikacionet që mund të japë lija e dhenve është prekja e mushkërive, që mund të kalojë në bronkopneumoni. Por mund të kemi edhe encefalite, pra prekje të trurit. Kështu që nëse temperatura është mbi 39a gradë për një kohë të gjatë, fëmija ka përgjumje, qafa e ngurtësuar janë simptoma që prindi duhet t’i vlerësojë me seriozitet dhe ta paraqesë fëmijën te mjeku”, tha pediatrja.
